Sartu | Izena eman

Nor gara?

Umetan hasten gara irakurtzen, etxean, liburutegian, parkean, igerilekuan, hondartzan, eskolan.

Literaturarekin egiten dugu barre nahiz negar. Mundu berrietara bidaiatzen dugu, ikasi egiten dugu, desira zer den, beldurra agian, matxinatzea. Imajinazioari atea zabaltzen diogu eta haren bidez sentitzen dugu, gozatzen dugu, hazi egiten gara.

Begiko dugun horrek egiten gaitu garena. Eta guk begiko dugu irakurtzea. Begiko gara.

Hogeita hamar urtetan zehar, Santillana argitaletxeak Alfaguararen bidez egindako lanari esker, lehenengo aldiz literatura irakurtzeko aukera izan genuen. Bilduma horretako autore eta pertsonaiak gure bizitzetako ezinbesteko osagai bihurtu ziren.

Garai berriek irakurtzeko modu berriak, irakurketarako euskarri berriak eta irakurleen arteko harremanak garatzeko espazio berriak sortu dituzte. Egoera berriari erantzuteko, proiektu berri bati ekin beharra zegoela ikusi genuen Zubia-Santillanan. Begiko da egitasmo hori.

Kalitate handiko literatura irakurtzeko aukera egon dadin. Eskolan, etxean, liburutegian, edonon. Gehiago irakur dezagun, ez diezaiogun utzi irakurtzeari.

Irakurri, irakurri, irakurri.

Irakurtzea barre egitea da, negar egitea, dar-dar egitea, ezagutzea, matxinatzea, desiratzea, beldurra sentitzea.

Irakurtzea imajinatzea da, ikastea, jostatzea, pentsatu, sentitu, haztea.

Irakurtzea bizimodu bat da.

Umetan irakurtzen hasi eta hazi ahala irakurtzen jarraitzen dugu. Hazteko modu bat ere bada irakurtzea.

Izateko modu bat.

Irakurle batek sekula ez dio utziko irakurle izateari.

Editorea beti izango da editore.

Haur, gazte, familia, irakasleen ondoan egon nahi dugu, garaian garaiko irakurketa beharrei erantzuteko.

Irakurle gara eta begiko dugu irakurle izatea. Argi dugu literaturak banako gisa gure burua eraikitzen laguntzen digula. Ondokoekin harremanetan jarri eta etorkizun hobe bat eraikitzeko gai egiten gaituela.

Adinaren araberako irakurketa: egitasmo honetan kontuan hartu ditugu aurreirakurleak, haurrak eta gazteak. Askotariko gai, genero eta autore bildumak, jostaketa, ikasketa eta balioen hezkuntza batzen ahalegindu gara. Egungo testuak eta testu klasikoak izan ditugu gogoan. Ilustrazioak hautatu ditugu. Guzti honek osatzen du Begikoren izaera.

Bilatzen ari diren liburua, desira duten hori, eurentzat pentsatua izan den liburua topatuko dute hemen haur, nerabe, irakasle, familiek. Guztiek.

Haur eta Gazte Literaturako obra klasikoak argitaratzen jarraituko dugu eta katalogoa zabalduko diegu literatur munduko eta ilustrazioko talentu berriei.

Zer topatuko duzu Begikon?

• Euskal autorerik eta ilustratzailerik onenak, atzerrikoekin batera.

• Iraungitze-datarik ez duten obra ahaztezinak.

• Pertsonaiarik kutunenak.

• Oraindik ezagutzeke ditugun berrikuntzak.

Komunitate handi baten kide izan nahi duten irakurleentzat sortu da Begiko. Irakurle eta bitartekarien (irakasle, liburu-saltzaile, senide) arteko harremana sendotzeko sare sozialak baliatuko ditu: Twitter eta Facebook. Horien bidez, esperientziak, gomendioak eta bestelakoak partekatu ahal izateko.

PISA ziurtagiria duten irakurketa gidak ere argitaratuko ditu Begikok. Horrela, irakasleek ikasleen irakurketa gaitasuna ebaluatu ahal izango dute eta gaitasun hori hobetzeko jarduerak proposatu.

Begiko dugu irakurtzea.

Irakurtzea begiko baduzu,

begiko gaituzu!