Azken berriak

Poesiaren Nazioarteko Eguna da gaur. Hori ospatzeko, ez da ideia txarra poesia irakurtzea, noski. Baina, poesia guk geuk sortuko bagenu, zer? Zaila dirudi, ezta?

Emakume Langilearen Nazioarteko eguna da bihar. Zer litzateke euskal literatura, edo zehatzago, euskal haur eta gazte literatura emakume idazleek egindako libururik, ipuinik, komikirik… gabe? Guk behintzat argi daukagu: ez genuke begiko izango. Zorionez, ordea, ez da urria haur eta gazteentzat euskaraz idatzi duten emakumeen zerrenda, Bizenta Mogelek 1805ean idatzi zuen Ipui Onac alegia bilduma esanguratsuarekin hasi eta gaur egun arte.

Martxoaren 1ean ekin genion Begiko izeneko mundu mailako abentura berriari, Bilbon egin genuen aurkezpenean. Haur eta Gazte Literaturako 37 titulurekin, irakurzaletasuna sustatzeko asmoz sortu dugu Zubia-Santillanaren baitako zigilua (pixkanaka zabaldu eta osatuko dugun bilduma). Hain zuzen, 30 urte baino gehiagoko Zubia-Santillanaren literatura-ibilbidea oinordean hartu, eta aldi berean, erronka berriei aurre egingo dien proiektu itxaropentsua da Begiko.

2011tik ospatzen den ospakizun egun honetan, liburu dendak gertukoak, modernoak eta etengabe eraldatzen ari diren guneak direla erakutsi nahi da: kultura sustatzeko eta liburuen nahiz irakurketaren inguruan komunitatea sortzeko gaitasuna dutenak.